ئاژانسی نها....
له راگه‌یاندراوێكدا پارتی دیموكراتی كوردستان وه‌ڵامی لێدوانێكی ئارێز عه‌بدوڵا ئه‌ندامی ئه‌نجومه‌نی سه‌ركردایه‌تی یه‌كێتی ده‌داته‌وه و رایده‌گه‌یه‌نێت، ئارێز دەبێ ئەو راستیە بزانێت هەولێر هێندە ئاسان نییە تا ئارێز و ئەوانەی وەک ئەو بیر دەکەنەوە بتوانن ئارامی و ئاوەدانی و پێکەوە ژیانی هەولێر تێک بدەن.
دوێنێ چوارشه‌ممه ئارێز عه‌بدوڵا ئه‌ندامی ئه‌نجومه‌نی سه‌ركردایه‌تی یه‌كێتی به ده‌نگی ئه‌مریكای راگه‌یاندبوو، ئه‌گه‌ر ئێمه بڕیار بده‌ین خۆپیشاندان بكه‌ین، ئه‌وا به بڕیارێك له حكومه‌ت ده‌كشێینه‌وه، وه له پایته‌ختی هه‌ولێر خۆپیشاندان ده‌ست پێده‌كه‌ین نه‌ك له دهۆك، به‌دڵنیاییه‌وه ته‌خت و تاراجی ئه‌و حكومه‌ته له‌هه‌ولێره‌وه ده‌ڕوخێنین.
ده‌قی وه‌ڵامی پارتی بۆ ئارێز عه‌بدوڵا...
وەڵامێک بۆ ئارێز عبدالله
لێدوانەکانی ئارێز عبدالله لە چەند ڕۆژی ڕابردوو دەربارەی خۆپیشاندان و تێکدانی ئارامی هەولێر جێگەی هەڵوێستە لە سەرکردنە
کە ئارێز دەبێ ئەو راستیە بزانێت هەولێر هێندە ئاسان نییە تا ئارێز و ئەوانەی وەک ئەو بیر دەکەنەوە بتوانن ئارامی و ئاوەدانی و پێکەوە ژیانی هەولێر تێک بدەن
بە درێژایی مێژوو هەولێر شاری ئاشتی و پێکەوە ژیان و یەکتر قەبوڵکردن بووە . ئێستاش ناوەندی بڕیاری سیاسی و سەربازی و دبلۆماسی حکومەتی کوردستان و شاری شەهیدانە . هەرگیز تەختی حکومەتی کوردستان بە ئارێزەکان نارووخێت .
ئێمە لە سەرکردایەتی هەولێر قسە و لێدوانەکانی ئارێز عبدالله لە سەر یەکێتی هەژمار ناکەین .
وە خۆپیشاندان و داوای خەڵک بە مافی ڕەوای خەڵکی کوردستان دەزانین و بۆ وەرگرتنی مۆڵەتی خۆپیشاندان حکومەتی کوردستان ڕێکارەکانی مۆلەت وەرگرتنی دیاریکردوە و خەڵکی هەولێر پێویستی بە ئارێز نییە.
بەڵام بە ئارێز عبدالله و ئەوانەی وەک ئەو بیر دەکەنەوە دەڵێین گەر زۆرتان مەبەستە و دەتوانن حکومەتی کوردستان بروخێنن فەرموون شانسی خۆت و هاوفکرەکانت تاقی بکەوە تا بزانیت هەولێر و هەولێرییەکان چۆن وەڵامێکت دەدەنەوە .
پارتی دیموکراتی کوردستان
ئەنجومەنی سەرکردایەتی پارێزگای هەولێر
21/5/2020