پەیامێکی بەپەلە لە موقتەدا سەدرەوە: باڵیۆزی ئەمریکا لە عێراق دەربکەن
ڕێبەری ڕەوتی نیشتمانی شیعە داوای دەرکردنی باڵیۆزی ئەمریکا لە عێراق و داخستنی باڵیۆزخانەکەیان دەکات.
موقتەدا سەدر ڕێبەری ڕەوتی نیشتمانی شیعە لە تۆڕی كۆمەلایەتی (ئێكس) نوسیویەتی، هەموو ئەو تاوانكاری و دەستدرێژیانەی زایۆنیزم بەرامبەر فەلەستینەكان ئەنجامیدەدات، بەهۆی پشتیوانی ستەمكارانەی ئەمریكایە، بۆیە جارێكی تر داوای دەركردنی باڵیۆزی ئەمریكا دەكەم لە عێراق، لەگەڵ داخستنی باڵیۆزخانەكەی بەرێكاری دیپلۆماسی كارپێكراو و بەبێ خوێنڕشتن، بۆ ئەوەی ئاشتیخوازیمان بۆ جیهان دەربخەین لەبەرامبەر تیرۆرو قێزەونیەكانیان.
سەدر دەشڵێت "ئەوەش زۆر بەهێزترە بۆ راگرتنیان لە بەركارهێنانی هێز دژیان، بۆ ئەوەی هیچ پاساوێكیان نەبێت بۆ شەڵقاندنی ئاسایشی عێراق و گەلەكەی".
|