هەواڵ

رێواز فایه‌ق: ده‌بێت پێكهاته‌كانی كوردستان به‌شێكبن له‌ چاره‌سه‌ر

ئاژانسی نها...

ئەمڕۆ سه‌رۆكی په‌رله‌مانی كوردستان سه‌ردانی پاتریاك (مار ئیبرس) پاتریاكی ڕۆژهه‌ڵاتی ناوه‌ڕاستی كرد و رایگه‌یاندووه‌، دەبێت پێكهاتەكانی كوردستان بەشێكبن لە چارەسەر.

ڕێواز فایه‌ق سه‌رۆكی په‌رله‌مانی كوردستان رایگه‌یاند، ئێمه‌ له‌ په‌رله‌مانی كوردستان به‌وپه‌ڕی توانامانه‌وه‌ هه‌وڵمانداوه‌ گیانی خۆشه‌ویستی و ئاشتی نێوان پێكهاته‌كانی كوردستان بپارێزین، بۆیه‌ پێمان وایه‌ كه‌ ده‌بێت پێكهاته‌كانی كوردستان، له‌ هه‌مووان زیاتر پابه‌ندی پاراستنی ئاشتی كۆمه‌ڵایه‌تی و ئۆقره‌یی سیاسی بن له‌ كوردستان و به‌شێكبن له‌ چاره‌سه‌ر.

هاوكات له‌ كۆبوونه‌وه‌كه‌دا پاتریاك مار ئیبرس رایگه‌یاندوووه‌، زۆر دڵخۆشین به‌وه‌ی كه‌ ژنێك له‌ سه‌رۆكایه‌تیكردنی په‌رله‌مانی كوردستاندا ده‌بینین، دووپاتیشی كرده‌وه‌ كه‌ ئه‌وان وه‌ك هه‌میشه‌ لایه‌نگری ڕواندنی گیانی خۆشه‌ویستی و یٔاشتین له‌ ناوچه‌كه‌دا، وه‌ پێویسته‌ هه‌نگاوه‌كان به‌ یٔاڕاسته‌ی لێكنزیكردنه‌وه‌ و كاری چاكه‌ بێت.
2020-05-20
زیاتر...