هەواڵێکی دڵخۆشکەر گەیشت.. سودانی بۆ بانکی (TBI) کۆمەڵێک بریاریدا
نها نیوز – هەواڵەکان
محەمەد شیاع سودانی، سەرۆک وەزیرانی عێراق سودانی کۆمەڵێک ڕێوشوێن بۆ پەرەپێدانی کارەکانی (TBI) دەگرێتەبەر و بانکەکەش پابەند دەکات بە جێبەجێکردنی رێنماییەکان.
سایتی سۆمەریە نیوز لە زاری سەرچاوەیەکی حکومییەوە بڵاویکردووەتەوە، لەچوارچێوەی بەرژەوەندی حکومەتی عێراق بۆ چاکسازی و پەرەپێدانی کەرتی بانکی، محەمەد شیاع سودانی، سەرۆک وەزیرانی عێراق کۆمەڵێک ڕێنمایی ئاڕاستەی بانکی بازرگانی عێراق کرد، ب ئامانجی پەرەپێدانی کارەکانی بانکەکە و زیادکردنی بەشدارییەکانی لەبواری دارایی و گەشەپێدانی ئابووری وڵاتدا.
ئەو ڕێنماییانەی کە سەرۆک وەزیرانی عێراق ئاڕاستەی بانکەکەی کردبوو، ئەمانەن:
یەکەم: پێکهێنانی لیژنەیەکی هاوبەش لەنێوان (نوسینگەی سەرۆکی حکومەت، بانکی ناوەندی و بانکی بازرگانی عێراق) کە لێکۆڵینەوە و هەڵسەنگاندنی ئەو قەرزانە دەکەن کە لەلایەن بانکەوە دراوە بە کەرتی تایبەت (تاک و کۆمپانیاکان) و ڕێگاکانی یەکلاکردنەوەی ئەوانەی نەدراون لەڕێگەی ئامادەکردنی پێشنیاری پلانی هاندان لەم بارەیەوە، بەمەرجێک لیژنەکە لەماوەی مانگێکدا کارەکانی تەواو بکات.
دووەم: ڕاسپاردنی بانکی بازرگانی عێراق بۆ ئامادەکردنی توێژینەوەیەک لەسەر پێدانی قەرز و هاندانی کەرتی تایبەت بۆ ئەوەی زۆرترین سوود لە خزمەتگوزارییە قەرزییەکانی وەربگیرێت کە لەلایەن بانکەوە پێشکەش دەکرێن، پێویستە لەماوەی مانگێکدا پێشکەش بکرێت.
سێیەم: جێبەجێکردنی ئەو پلانەی کە بانکی ناوەندی پێشنیاری کردووە بۆ پەرەپێدانی چالاکییەکانی بانکی بازرگانی عێراق لە ڕێگەی:
1- زیادکردنی لقی بانکەکان لە بەغدا و پارێزگاکان بەتایبەتی لەو پارێزگارانەی کە چالاکی ئابووری فراوانیان هەیە.
2- ئاسانکاری پێشکەشکردنی خزمەتگوزارییەکان لە هەموو ڕوویەکەوە، گرنگیدان بە کڕیارانی بانک و دیاریکردنی میکانیزمەکان بۆ چاودێریکردن و بەدواداچوون.
3- پێداچوونەوە بە سیستمی وەرگرتنی پارە کە لەلایەن بانکەوە وەردەگیرێت بەمەبەستی ڕاکێشانی کڕیار و هاوکاربوون بۆ گەیشتن بە ئامانجی سەقامگیری نرخی ئاڵوگۆڕ و سەقامگیری گشتی نرخ لە بەرژەوەندی هاوڵاتییان.
ئ.ز
|