نها نیوز – هەواڵەکان
ئاری هەرسین، بەرپرسی لقی چواری پارتی لە سلێمانی ئامانجی سەردانەکەی رەجەب تەیب ئەردۆغان سەرۆکی تورکیا بۆ هەولێری ئاشکراکرد و لەبارەی بەشداریکردنی پارتی لە هەڵبژاردن کە ئایا رەئیان گۆڕیووە؟ دەشڵێت "ئەگەر پارتی بەشداری هەڵبژاردن نەكات، 10ی حوزەیران هەڵبژاردن ناكرێت".
ئاری هەرسین، بەرپرسی لقی چواری پارتی لە سلێمانی سەبارەت بەوەی ئامانجی سەدانەکەی ئەردۆغان بۆ هەولێر چیە؟ لە چاوپێکەوتنێکدا دەڵێت "وەڵا نازانم، حەتمەن پەیوەندی بە عێراق و تورکیاوە هەیە، پێموایە ئەو پاکێجەی قسەی لەسەر دەکەن بابەتی سیاسی و ئابوری و ئەمنییە.
لەبارەی ئەوەی ئایا لە کۆبوونەوەکەیاندا باسی هەڵبژاردن دەکەن؟ ئاری هەرسین ئاماژەی بەوەدا "نازانم، لەبەرئەوەی هەڵبژاردن کەیسێکی ناوخۆی عێراقە، چ پەیوەندیەکی هەیە بە وڵاتانی دەرەوە هەیە تاوەکو باسی بکەن. وە هەموو سەردانێک لەنێوان دراوسێکان شتێکی باشە، چونکە مەسڵەحەت و چارەنوسیان بەیەکەوەیە وە لەگەڵ تورکیا سنورمان بەیەکەوەیە بۆیە حەتمەن پێموایە بەرهەمی باشی لێببێتەوە.
پەیوەست بە هەڵبژاردنەوە ئایا پارتی رای گۆڕیوە؟ ئەو بەرپرسەی لقی چواری پارتی ئاشکرایکرد "ئەو رائیە رەئێکی مەبدەئی ئێمەیە و میزاجی نییە، ئێستا شتێک بڵێن و مانگێکی دیکە شتێکی دیکە بڵێین، لەبەرئەوەیە هیچ گۆڕانکارییەکی بەسەردا نەهاتووە، تا ئالیاتی هەڵبژاردن بەوشێوەیە کە ئێستا هەیە ئێمە بەشداری هەڵبژاردن ناکەین. وە ئەو ئالیەتە نابێت بۆنی موئامەراتی لێبێت ئەو ئالیاتە دەبێت حساب بۆ کەمینەکان بکات، ئەو ئالیاتە دەبێت حساب بۆ فۆڕمی مۆدێلی هەڵبژاردنەکە بکات.
ئاری هەرسین ئەوەشی خستە روو "ئەگەر ئێمە بەشداری هەڵبژاردن نەکەین لە 10ی شەش هەڵبژاردن ناکرێت، ئەو وایدەیە بەبێ ئێمە ناکرێت، مەگەر هەریەکە و سندوقێک بباتە ماڵی خۆی ئەویش هەڵبژاردن نییە.
لەسەر ئەوەی کە بۆچی تاوەکو ئێستا لەسەر ئەو پرسەیە یەکێتی و پارتی دانەنیشتوون؟ ناوبراو باسی لەوەشکرد "چونکە فەزای سیاسی هەرێمی کوردستان ئەو دۆخەیە لەنێوان ئێمە یەکێتی هێشتا بەوە شێوەیە نییە و سازگار نییە کە بەیەکەوە دابنیشین، وە نەوەڵا پەیوەندیمان وەکو پێویست باش نییە.
یەکێتی دەڵێت پارتی بۆیە بەشداری هەڵبژاردن ناکات، چونکە لەکەمبوونەوەی دەنگەکانی دەترسێت، کادیرەکەی پارتی رونیکردەوە "هەموو جارێک پارتی یەکەم بووە، ئەگەر یەکێتی ئەم قسەی کردبێت خۆیان لەمن و تۆ باشتر دەزانن کە پارتی دەنگی کەم ناکات، ئەگەر زیاتر نەهێنێت ئەو دەنگانەی ئێستا دەهێنێت، ئەوە یەکێتی رێکلامە بۆ خۆی دەکات. وە لە سلێمانیش دەنگەکان لە سەفەری پێشوو باشتر دەبێت.
ئ.ز