سودانی پۆستی پارێزگاری کەرکوک یەکلادەکاتەوە
نها نیوز - هەواڵەکان
ئەندامێکی ئەنجوومەنی پارێزگای کەرکوک ئاشکرایکرد، محمەد شیاع سودانی سەرۆکوەزیرانی عێراق لە ئەمریکا بگەڕێتەوە، پۆستی پارێزگاری کەرکوک یەکلادەکاتەوە.
د. ئەحمەد کەرکوکی ئەندامی ئەنجوومەنی پارێزگای کەرکوک بە میدیای یەکێتی دەڵێت "تاوەکو ئێستا پۆستی پارێزگاری کەرکوک یەکلانەکراوتەوە و لە دوای گەڕانەوەی محەمەد شیاع سودانی لە ئەمریکا، کۆبوونەوەی لایەنە سیاسییەکانی کەرکوک بە سەرپەرشتیی سودانی بۆ رێککەوتن لەسەر دانانی کەسێک بۆ پۆستی پارێزگار بەڕێوەدەچێت.
د. ئەحمەد کەرکوکی ئاماژەی بەوەشدا "چاوەڕێدەکرێت سودانی لەو کۆبوونەوەیەدا پرسی پۆستی پارێزگار یەکلابکاتەوە و رێککەوتن لەسەر دانانی پارێزگاربکرێت.
لەبارەی کاتی یەکەمین کۆبوونەوەی ئەنجوومەنی پارێگای کەرکوک لە دوای سوێندخواردنیان، ئەندامەکەی ئەنجومەنی پارێزگای کەرکوک ئاشکراشیکرد "لە تۆڕەکۆمەڵایەتییەکان باس لەوە دەکرێت ئەم هەفتەیە ئەنجوومەن کۆدەبێتەوە، بەڵام تاوەکو ئێستا هیچ شتێکی فەرمی نییە و ئاگادارنەکراونەتەوە کە لەم هەفتەیەدا کۆدەبنەوە.
رۆژی 18ی کانونی یەکەمی 2023 هەڵبژاردنی ئەنجومەنی پارێزگاکانی عێراق بەڕێوەچوو، جگە لە پارێزگای کەرکوک لە هەموو پارێزگاکان پارێزگار هەڵبژێردراوە.
ئ.ز
|