هەواڵ

186 ملیۆن دیناری موچه‌ی وه‌زاره‌تێكی هه‌رێم دزراوه‌

ئاژانسی نها..

بەتۆمەتی بردنی 186 ملیۆن دیناری موچەی خاوەن پێداویستیە تایبەتەکان فەرمانبەرێكی بەڕێوەبەرایەتی چاودێری و گەشەپێدانی كۆمەڵایەتی شارەزور دەستگیركراوە.

كوێستان محەمەد، وەزیری كاروكاروباری كۆمەڵایەتی حكومەتی هەرێم رایگه‌یاند، بەمەبەستی بەدواداچون بۆ دۆسیەی دیارنەمانی موچەی خاوەن پێداویستیە تایبەتیەكان و چەند گرفتێكی تری بەڕێوەبەرایەتی و فەرمانگەكانیان سەردانی هەڵەبجەیان كردوە.

ئاماژەی بەوەشکرد، لە چوارچێوەی بەدواداچونیاندا، بۆ دیارنەمانی 186 ملیۆن دیناری موچەی خاوەن پێداویستیە تایبەتیەكان، لە بەڕێوەبەرایەتی چاودێری و گەشەپێدانی كۆمەڵایەتی شارەزور،  فەرمانبەرێكیان ڕوبەروی دادگا كردوەتەوە و بەفەرمانی دادوەر و بەتۆمەتی دیارنەمانی ئەو پارانە دەستگیركراوە.
2019-09-09
زیاتر...