سودانی بۆ پۆستی سەرۆك وەزیرانی عێراق كاندید كرا

نهانیوز-هەواڵەکان

ئەندامێکی هاوپەیمانی ئاوەدانکردنەوە و گەشەپێدان رایگەیاند، محەمەد شیاع سودانی، سەرۆکی هاوپەیمانییەكەیان کاندیدی ئەوانە بۆ پۆستی سەرۆک وەزیرانی عێراق.

قوسەی مەحبوبە، ئەندامی هاوپەیمانی ئاوەدانکردنەوە و گەشەپێدان، لە پۆستێکدا لەسەر پلاتفۆرمی “X” ڕایگەیاند، محەمەد شیاع سودانی، سەرۆکی هاوپەیمانییەكەیان کاندیدی ئەوانە بۆ پۆستی سەرۆک وەزیرانی عێراق.

ئاماژەی بەوەشکرد، ئێمە لە هاوپەیمانی ئاوەدانکردنەوە و گەشەپێدان پێمان وایە ئەم بابەتە گرنگە، داواش لە بلۆکەکانی دیکە دەکەین لە چوارچێوەی هەماهەنگی کاندیدەکانیان بخەنەڕوو، بەتایبەتی ئەوانەی 25 کورسی یان زیاتریان هەیە.

ناوبراو لە درێژەی قسەکانیدا وتی "لە ئاوەدانکردنەوە و گەشەپێدان، 46 کورسی پەرلەمان و یەک ملیۆن و 300 هەزار دەنگمان هەیە، کاندیدی ئێمەش (بۆ سەرۆک وەزیران) محەمەد شیاع سودانییە”.

هاوکات  ئەمڕۆ حزبی دەعوەی ئیسلامی ڕایگەیاند، كاندیدی ئەوان بۆ سەرۆك وەزیرانی نوێی عێراق بریتییە لە نوری مالكی.