وەزیری دادی عیراق پڕۆژەیەکی نوێی راگەیاند
نهانیوز-هەواڵەکان
وەزیری دادی عیراق پڕۆژەی نوێ کە چاوپێکەوتنی بینراو و بیستراوی ئەلیکترۆنییە بە شێوەیەکی ئاست بەرزی ڕێکخراوەیی و ئەمنی لە زیندانی ناوەندیی کەرخ کردەوە.
ئەمڕۆ چوارشەممە 19ی 11ی 2025، وەزارەتی دادی عیراق لە راگەیەندراوێکدا بڵاوی کردەوە، د. خالید شوانی، وەزیری دادی عیراق پڕۆژەی چاوپێکەوتنی بینراو و بیستراوی ئەلیکترۆنی لە زیندانی ناوەندیی کەرخ کردەوە کە ئامانجی پڕۆژەکە پەرەپێدانی ئەو خزمەتگوزارییانەیە کە پێشکەش بە زیندانییەکان و کەسوکاریان دەکرێت بە بەکارهێنانی تەکنەلۆژیای مۆدێرن.
لە راگەیەندراوەکە دا هاتوە، ئەم پرۆژەیە یەکەمین جۆرە پڕۆژەیە لەسەر ئاستی دامەزراوە چاکسازییەکانی عێراقدا.
وەزیری دادی عێراق راشیگەیاند: پڕۆژەکە بارگرانی لەسەر کەسوکاری زیندانییەکان بە شێوەیەکی بەرچاو کەمدەکاتەوە، بەتایبەتی ئەوانەی کە ناتوانن بە شێوەیەکی ڕاستەوخۆ ئامادەبن بەهۆی دووری شوێنەکانیان،یان بەهۆی دۆخی تەندروستی،یاخود بارودۆخی ئابووری.
|