سوودانی لێکۆڵینەوە لە بە قاچاخبردنی نەوت دەکات

نها نیوز - هەواڵەکان

نووسینگەی راگەیاندنی سەرۆکوەزیرانی عێراق، لە راگەیەندراوێکدابڵاوی کردەوە، ئەو لیژنە باڵایەی محەمەد شیاع سودانی، سەرۆکوەزیرانی عێراق، پێکیهێناوە، لە لایەنە پەیوەندیدارەکان پێکهاتوون، بەدواداچوون بۆ ئەو زانیارییانە دەکەن کە باس لە تێکەڵکردن و بەقاچاخبردنی نەوتی خاوی عێراقی و ئێرانی و بەرهەمە نەوتییەکان دەکەن، لە بەندەرەکانی عێراق و ئاوە نێودەوڵەتییەکانەوە.

هەروەها سودانی داواشیکردووە، دوای تەواوبوونی لێکۆڵینەوەکان، لیژنەکە راسپاردەکانی پێشکەشی ئەنجوومەنی وەزیرانی عێراق بکات بۆ گرتنەبەری رێوشوێنی گونجاو بەگوێرەی یاسا، بۆ دڵنیابوون لە سەقامگیریی ئابووریی نیشتمانی و پاراستنی سامانی گشتی.