وەزارەتی نەوت ئاماری هەناردە و داهاتی مانگی تەمموز ڕادەگەیەنێت

نهانیوز-هەواڵەکان

وەزارەتی نەوتی عێراق ئاماری فرۆشتنی نەوتی بۆ مانگی تەمموز راگەیاند و بەپیی داتاکە عێراق لەمانگی تەمموزدا بەبڕی”(7) ملیار و (184) ملیۆن و (804) هەزار دۆلار نەوتی فرۆشتووە”.

لە بلاوکراوەیەکدا، وەزارەتی نەوتی عێراق ئاماری فرۆشتنی نەوتی بۆ مانگی تەمموز ئاشکراکرد و دەڵیت، “بڕی هەناردەکردنی نەوتی خاو بە کۆندێنسێتەوە، 104ملیۆن و 750هەزار و 788بەرمیل بووە، کە داهاتەکەی زیاترە لە 7ملیار و 184ملیۆن و 804هەزار دۆلار “.

ئەوەشی خستۆتەڕوو، کۆی بڕی هەناردەکراوی نەوتی خاو بۆ مانگی تەمموز لە کێڵگە نەوتییەکانی ناوەڕاست و باشووری عێراق بڕی 104ملیۆن و 288هەزار، و 143بەرمیل بووە، هاوکات هەناردەکردنی کێڵگەی قەیارە بڕی 495هەزار، و 645 بەرمیل بووە.

ئەوەش لە کاتێکدایە کە وەزارەتی نەوتی عێراق مانگانە بڕی داهاتی نەوت و فرۆشتنی نەوت لەڕێگەی کۆمپانیای بەبازاڕیکردنی نەوت(سۆمۆ) بڵاودەکاتەوە، و سەرجەمی ئەو داهاتە ئاشکرا دەکات کەلەو مانگەدا دەستی دەکەوێت.