پەرلەمانی عێراق دوو بڕیاری لەبەرژەوەندی هەرێم دەركرد

نهانیوز-هەواڵەکان

پەرلەمانی عێراق لە كۆبوونەوەی ئەمڕۆیدا دوو یاسا و بڕیاری لە بەرژەوەندی هەرێمی كوردستان دەركرد و پەرلەمانتارێکی یەکێتیش دەڵێت" زیندانیانی سیاسی هەرێم هەموو ئەو ئیمتیازانە ئەیانگرێتەوە کە دەدرێ بە زیندانیانی سیاسی عێراق".

ئەمڕۆ سێ شەممە 26ی ئاب دانیشتنی ژمارە 6ی پەرلەمانی عێراق بە ئامادەبوونی 169 پەرلەمانتار دەستیپێکرد.

لە بڕگەی یەکەمی دانیشتنەکە دەنگدرا لەسەر 93 پاڵێوراو وەک باڵیۆزی نوێی عێراق لە وڵاتانی دەرەوە کە ژمارەیەک لەو بەڕێزانە کوردن .

لای خۆیەوە بڕیار ڕەشید پەرلەمانتاری عێراق لە فراکسیۆنی یەکێتی نیشتمانی تایبەت بە (نها نیوز)ی راگەیاند" بەپێی هەمواری دووەمی یاسای زیندانیانی سیاسی عێراق، کە دەنگمان بۆ دا، زیندانیانی سیاسی هەرێم هەموو ئەو ئیمتیازانە ئەیانگرێتەوە کە دەدرێ بە زیندانیانی سیاسی عێراق".
دەشڵێت" لەم یاسایەدا، قوربانیانی هەڵەبجە، کە لە دوای کیمیابارانی شاری هەڵەبجە ئاوارەی وڵاتی ئێران بوون مەشمول دەبن بەم یاسایە".