سوودانی نوێترین هەڵوێستی لەبارەی هەڵبژاردن راگەیاند
نها نیوز - هەواڵەکان
سەرۆك وەزیرانی عیراق رایگەیاند، هەڵبژاردنی ئەنجومەنی نوێنەرانی عیراق لە وادەی خۆیدا بەرێوە دەچێت، رەتیشدەكاتەوە پرۆسەكە لەژیر كاریگەری فشاری دەركیدا ئەنجام بدرێت.
ئەمرۆ شەممە 2ی ئابی 2025 محەمەد شیاع سودانی سەرۆك وەزیرانی عیراق لەمیانی كۆبوونەوەی لەگەڵ ژمارەیەك لە سەرۆك هۆزەكانی سنوری پاریزگای سەڵاحەدین رایگەیاند، هەڵبژاردنی خولی شەشەمی ئەنجومەنی نوێنەران لە وادەی خۆیدا بەرێوەدەچێت.
دەشڵێت " ئەنجامدانی هەڵبژاردن بەهۆی فشاری دەرەكی یان دۆخێكی نا ئاساییەوە نییە، بەڵكو لەسەر بنەمای دەستاودەستكردنی ئاشتیانە دەسەڵاتە".
لە بەشێكی دیكەی قسەكانیدا سەرۆك وەزیرانی عیراق رایگەیاند، حكومەت پابەندە بە دابینكردنی سەرجەم پێداویستییەكانی هەڵبژاردن و دەستەبەركردنی كەشێكی گونجاو بۆ دەنگدەران و كاندیدەكان.
|