خۆپێشاندان لە 10ی شەو بۆ 7ی بەیانی قەدەغە دەکرێت
نهانیوز-هەواڵەکان
پەرلەمانی عێراق سبەی کۆدەبێتەوە و دەنگ لەسەر پرۆژەیاسایەک دەدات کە بە گوێرەی پرۆژەیاساکە مەرج بۆ خۆپێشاندان و کۆبوونەوەی جەماوەری دادەنرێت.
بە گوێرەی خشتەی دانیشتنی پەرلەمانی عێراق بڕیارە سبەینێ شەممە 2ی ئابی 2025، کۆبوونەوەی پەرلەمان و دەنگدان لەسەر پێنج پرۆژەیاسا ئەنجام بدرێت و تاوتوێی چوار پرۆژەی دیکە بکات.
بەپێی خشتەکە پرۆژەیاسای ئازادیی رادەربڕین و کۆبوونەوە و خۆپێشاندانی ئاشتییانە یەکێکە لەم پرۆژە یاسای دەنگی لەسەر دەدرێت و بە گوێرەی پرۆژەیاساکە مەرج بۆ خۆپێشاندان و کۆبوونەوەی جەماوەری دادەنرێت بەجۆرێک خۆپێشاندان لە کاتژمێر 10ی شەو بۆ 7ی بەیانی قەدەغە دەکرێت.
ئەم پرۆژە یاسایە لەلایەن رۆشنبیران و هێزە سیاسییەکان و کۆمەڵگای مەدەنی رووبەرووی رەخنەیەکی زۆر بووەتەوە.
هەروەها بەپێی پرۆژەیاساکە، ئەوانەی کۆبوونەوەی شوێنکەوتووانی ئایین و تایەفەیەکی دیاریکراو تێکدەدەن یان بانگەشە بۆ رقلێبوونەوە دەکەن، سزادەدرێن کە دەگاتە 10 ساڵ بەندکردن.
|