نووسینگەی مالیکی راگەیاندنێکی بەپەلەی بڵاو کردەوە
نها نیوز – هەواڵەکان
دوای ئەوەی هەواڵی جەڵتە لێدانی نووری مالیکی لە لایەن میدیا عێراقییەکان بلاو کرایەوە، نووسینگەکەی نووری مالیکی ئەو هەواڵەی رەت کردەوە.
نووسینگەی راگەیاندنی هاوپەیمانی دەوڵەتی یاسا تێکچوونی دۆخی تەندروستی مالیکی رەتدەکاتەوە و دەڵێت: ئەمڕۆ سێشەممە (29ی تەمموزی 2025) لە نەخۆشخانەی ئیبن ئەلبیتار، پشکنینی پزیشکی ڕۆتینی لە چوارچێوەی بەدواداچوونی دەوری تەندروستیدا بۆ نوری مالیکی ئەنجامدراوە.
نووسینگەکە دەشڵێت:پشکنینەکان بەشێکن لە بەدواداچوونی ئاسایی پزیشکی"، سوپاسی هەموو ئەو کەسانەش دەکات کە هەواڵی تەندروستیان پرسیوە و جەختیشدەکاتەوە کە باری تەندروستی باشە.
کەمێک پێش ئێستا، میدیا عێراقییەکان بڵاویانکردەوە نوری مالیکی سەرۆک وەزیرانی پێشووی عێراق و سەرۆکی هاوپەیمانی دەوڵەتی یاسا جەڵتەی دڵ لێیداوە و لە ئێستادا رەوانەی نەخۆشخانە کراوە و نەشتەرگەری دڵی بۆ دەکرێت.
|