نهانیوز-هەواڵەکان
لە دوای ئەو شەڕ و پێکدادانەی لە نێوان حەشدی شەعبی و لیوای حەوتی پۆلیسی فیدراڵی ڕوویدا و ژمارەیەک کوژراو و برینداری لێکەوتەوە، سوودانی فەرمانی دا بەپەلە لیژنەیەکی لێکۆڵینەوە لە رووداوەکە پێک بهێنرێت.
ئەمرۆ یەکشەممە، 27ی تەممووزی 2025، لە گەڕەکی شەهیدانی ناوچەی سەیدیەی بەغدا شەڕ و پێکدادان لە نێوان حەشدی شەعبی و لیوای حەوتی پۆلیسی فیدراڵی ڕوویداوە.
لەسەر شەڕو پێکدادانەکان وەزارەتی ناوخۆی عێراق راگەیەندراوێکی بڵاو کردۆتەوەو دەڵێت" گرووپێکی چەکدار هەڵیانکوتاوەتە سەر یەکێک لە فەرمانگەکانی وەزارەتی کشتوکاڵ و تەقەیان کردووە."
دوا بە دوای شەرەکە،سودانی فەرمانی دا لیژنەیەكی لێكۆڵینەوە لەسەر پێکدادانەکەی ئەمڕۆی نێوان حەشدی شەعبی و هێزە ئەمنییەكان لە بەغدا پێكبهێنرێت. فەرماندەیی ئۆپەراسیۆنە هاوبەشەكان دەڵێت، لەسەر شەڕەكە 14 چەكداری حەشدی شەعبییان دەستگیركردون.
فەرماندەیی ئۆپەراسیۆنە هاوبەشەكان لە راگەیەندراوێكدا وتی، لەسەر ئەو روداوە تاوانكارییەی كە ئەمڕۆ لە یەكێك لە فەرمانگەكانی سەر بە وەزارەتی كشتوكاڵ لە بەری كەرخی بەغدا رویدا، فەرماندەی گشتی هێزە چەكدارەكانی عێراق فەرمانی دا بە پێكهێنانی لیژنەیەكی باڵای لێكۆڵینەوە بۆ زانینی هۆكارەكانی روداوەكە و چۆنییەتی جوڵەی هێزێكی چەكدار بەبێ فەرمان یاخود رەزامەندی یاسایی و هەوڵدانی بۆ كۆنترۆڵكردنی بینایەكی حكومی و تەقەكردنی لە هێزە ئەمنییەكان.
ئاماژەی بەوەشداوە، هێزە ئەمنییەكانمان توانیان 14 تۆمەتبار دەستگیربكەن و لەكاتی وردبینیكردنی ناسنامەكانیاندا دەركەوت كە سەر بە هەردو لیوای 45 و 46ی حەشدی شەعبین، تۆمەتباران رەوانەی دادگا كران بۆ وەرگرتنی رێكاری یاسایی پێویست لە دژیان.
ئەمڕۆ یەکشەممە وەزارەتی ناوخۆی عێراق بەبڵاوکردنەوەی بەیاننامیەک ئاشكرایكردوه، یەکێک لەفەرمانگەکانی وەزارەتی کشتوکاڵ لەکەرخ، بەیانیی ئەمڕۆ، هاوکات لەگەڵ دەستبەکاربونی بەڕێوەبەرێکی نوێ لەفەرمانگەکەداو لەکاتی بەڕێوەچونی کۆبونەوەیەکی کارگێڕیدا، کەوتەبەر هێرشی گروپێکی چەکدار؛ ئەمەش بوە هۆی دروستبونی دۆخێکی ترس‌و دڵەڕاوکێ لەنێو فەرمانبەراندا، کە دەستبەجێ داوای یارمەتییان لەهێزە ئەمنییەکان کرد.