هۆشداری لە هێرشی ئیسرائیل بۆسەر عێراق دەدرێت
نهانیوز-هەواڵەکان
وەزیری پێشوی بەرگری عێراق هۆشداری لە مەترسی هێرشی ئیسرائیل دەدات و دەڵێت" ئێستا ئەمەریکا و ئیسرائیل دەیانەوێت عێراق هەڵەیەک بکات ".
جومعە عیناد، وەزیری پێشوی بەرگری عێراق لە لێدوانێکی رۆژنامەوانیدا هۆشداری لە مەترسی هێرشی ئیسرائیل بۆ سەر عێراق دەدات و دەڵێت" هێرش نزیکە و گوندەییەكانی سەدام و بڕنەوەكەی هیچ سودی نەبوو، بۆیە ئامۆژگاری هێزە سیاسییەکان دەکەم ژیر بن، مەترسی ئامادەیە و نزیکە لێمانەوە".
عیناد راشیگەیاند" داعش ئامادەیە، 13 هەزار چەکدار لەودیو سنورەوە هەن، هەشت هەزار دیل لەلایەن هێزەکانی سوریای دیموکراتەوە دەستبەسەرکراون، 50 هەزاریش لە کەمپی هۆلن، کارتی داعش تەنها بۆ هەڕەشەکردن لە عێراق دروستکراوە نەک تورکیا و سوریا".
وتیشی: هاوپەیمانی نێودەوڵەتی زۆر شتیان پێشکەش بە عێراق کردووە، لەبەرچاو نەگرتنی چاكە شەرمەزارییە، ئێرانییەکانیش لەکاتی شەڕی داعشدا هەندێک کەرەستەیان بۆ عێراق دابینکرد، بەڵام بەپارە، ئێستا سوپای پاسداران داوای 21 ملیۆن دۆلاری شەڕی داعش لە عێراق دەکات.
وەزیری پێشوی بەرگری عێراق باسی لەوەشكرد: واشنتۆن خوێن و پارەی پێشکەش کردووە بۆ سەقامگیرکردنی دەسەڵات لە عێراق، ترەمپ بایدن نییە و دەبێت ئاگاداری ئەوە بین، ئەمریکا نایەوێت بە ئاسانی دەستبەرداری رژێمی ئێستا بێت لە عێراق.
جەختیشكرد لەوەی کە هێرشی ئیسرائیل بۆ سەر عێراق نزیک بوو ئامانجەکانیشی دیاریكرابوون بوون، بەڵام فشار خرایە سەر ئەمەریکا بۆ ئەوەی رێگری لە هێرشی ئیسرائیل بۆ سەر عێراق بکات، ئێستا ئەمەریکا و ئیسرائیل دەیانەوێت عێراق هەڵەیەک بکات، ئاماژەکانیش بوونیان هەیە.
|