بەهۆی گەرمای لەرادەبەدەر لە حەوت پارێزگای عێراق ئەمڕۆ پشووی فەرمییە
نهانیوز-هەواڵەکان
بەهۆی بەرزبوونەوەی پلەکانی گەرما لە حەوت پارێزگای عێراق پشووی فەرمییە، حکومەتیش داوا لە هاوڵاتیان دەکات لە ماڵەکانیان نەچنە دەرەوە.
ئەمڕۆ یەکشەممە، ٢٧ی تەممووزی ٢٠٢٥، بەهۆی بەرزبوونەوەی بەرچاوی پلەکانی گەرما، حکوومەتی عێراق، پشووی فەرمی لە سەرتاسەری پارێزگاکانی بەسرە، زیقار، میسان، کەربەلا، دیوانییە، بابل و واست ڕاگەیاندووە.
بڕیارەکە، بەگوێرەی لێدوانە فەرمییەکان، "بۆ دڵنیابوون لە سەلامەتی هاووڵاتییان و فەرمانبەران" دراوە. بەشی خزمەتگوزاری، تەندروستی، و کارەبا لە پشووەکە بەخشران بۆ دڵنیابوون لە بەردەوامی خزمەتگوزارییە سەرەکییەکان.
دەستەی کەشناسی عێراق دووپاتی کردەوە کە پلەکانی گەرما لە چەند ناوچەیەکدا لە 50 پلە تێدەپەڕن، کە بە توندترین شەپۆلی گەرما دادەنرێت لە هاوینی ئەمساڵدا.
|