پەرلەمانتارێک: هێزەکانی تورکیا لە عێراق هێزێکی داگیرکەرن نەک هێزێکی دژە تیرۆر
نها نیوز – هەواڵەکان
یاسر حوسێنی، ئەندامی پەرلەمانی عێراق ڕۆژی یەکشەممە، ڕایگەیاند، پێویستە ئەو هێزەی تورکیا کە لە باکووری عێراق ئامادەن، بە "هێزی داگیرکەر" وەسف بکرێن، نەک هێزی دژە تیرۆر، وەک خۆیان وەسفی خۆیان دەکەن. ئاماژەی بەوەشکرد، عێراق ناتوانێت لێپرسینەوە لەو هێزانە بکات ئەگەر هەڵە بکەن.
حوسێنی لە لێدوانێکیدا بۆ سۆمەریە نیوزی ڕاگەیاندووە، نزیکەی دوو ساڵ لەمەوبەر هێزەکانی تورکیا نزیکەی 20 کیلۆمەتر لە ناوەندی موسڵەوە دوورن، پاشان بەردەوام بوون لە پێشڕەوی ڕۆژهەڵات و ڕۆژئاوا لەم ناوچانە و نزیکبوونەوە لە قەزای شەنگالەوە.
ئاماژەی بەوەشکردووە، هەموو ئەمانە بە زانیاری و هۆشیارییەوە ئەنجام دراون، هەروەها بەگوێرەی ڕێککەوتنێک کە لەماوەی ڕابردوودا لە ساڵی ڕابردوودا واژۆ کرا کاتێک حکومەتی سودانی لەگەڵ لایەنی تورکیا گەیشتە ڕێککەوتن، پارێزبەندی و دەسەڵاتی بە سوپای تورکیا بەخشی بەهۆی بوونی لە سەر خاکی عێراق، لە چوارچێوەی ناوەندی هەماهەنگی هاوبەشی نێوان عێراق و تورکیادا. لەگەڵ ئەوەشدا لە واقیعدا ئەو هێزانە زیاتر لە داگیرکاری دەچن.
لە درێژەی قسەکانیدا دەشڵێت، ڕێککەوتنەکە بڕگەیەکی لەخۆگرتبوو کە تێیدا هاتووە دەسەڵاتی دادوەری عێراق ناوبژیوانی کۆتایی ئیجرائاتەکانی نێوان هەردوولایە، بەڵام ئەم بڕگەیە لابراوە، هەمان شت بۆ لێپرسینەوە لە ئەندامانی ئەو هێزە تورکییانە دەگونجێت ئەگەر هەڵە بکەن، هەروەها ئەم بڕگەیەش لابراوە.
|