نها نیوز – هەواڵەکان
سەرۆک وەزیرانی عێراق ئاشکرایکردووە، بەرژەوەندییەکانی عێراق و گەلی عێراق لە پێشینەی کارەکانی حکومەتەکەیدایە و دەشڵێت، "هیچ بوارێک نییە بۆ لایەنگری بەرامبەر بە هیچ لایەنێک، چ ناوخۆیی و چ دەرەکی".
محەممەد شیاع سودانی، سەرۆک وەزیرانی عێراق لە میانی دیدارەکەیدا لەگەڵ کۆمەڵێک شێخی عەشیرەتییەکان لە بەغدا، ڕایگەیاندووە، حکومەتەکەی عێراقی پاراستووە بە مامەڵەکردنی ژیرانە و بەرپرسیارانە بۆ ئەوەی نەخلیسکێتە گۆڕەپانی شەڕ و ململانێ.
ڕوونیشی کردووەتەوە "هەندێک لایەن بە سۆز و عاتیفە دەیانویست عێراق بخزێننە ناو شەڕ و ململانێ.
ئاماژەی بەوەشکردووە، کەسانێک هەن لەسەر قسەی فیتنە و قەیران و پیلانگێڕییەکان گەشە دەکەن و دەبێت گرنگی بەم بابەتە بدەین، بەتایبەتی لەگەڵ هەڵبژاردنەکانی داهاتوودا.
ئەوەشی خستەڕوو، ناوچەکە شاهیدی بارودۆخی ناوازە بووە و گەورەترین تاقیکردنەوەی حکومەت ئەوە بووە کە چۆن مامەڵە لەگەڵ ئەم قەیرانەدا بکات، بە لەبەرچاوگرتنی هەڵوێستی پرەنسیپی عێراق لەسەر پرسی فەڵەستین.
ڕوونیشیکردەوە، "حکومەت هەر لەسەرەتاوە کار لەسەر ئەولەویەتەکانی کردووە لەسەر بنەمای پێداویستییەکانی خەڵک، دوور لە هەر ئامانجێکی کەسی یان حزبی.
ڕوونیشیکردووەتەوە، ناتوانین داهاتووی وڵات بەتەنها بە نەوت ڕەهن بکەن، بەتایبەتی کە عێراق خاوەنی توانای کشتوکاڵ و پیشەسازی و گەشتیارییە.