عێراق ئیدانەی بۆردومانی سووریا دەکات و داوای پاراستنی هاوڵاتیانی مەدەنی دەکات
نها نیوز – هەواڵەکان
وەزارەتی دەرەوەی عێراق ئیدانەی هێرشە ئاسمانییەکانی ئیسرائیلی کرد کە سوریای کردە ئامانج و داوای لە کۆمەڵگەی نێودەوڵەتی کرد ئەو پێشێلکارییانە ڕابگرن.
وەزارەتی دەرەوەی عێراق لە بەیاننامەیەکدا ڕایگەیاندووە، وەزارەتی دەرەوەی ئیدانەی تەندی هێرشەکانی ئیسرائیل دەکات کە شەوی ڕابردوو چەند ناوچەیەکی سووریا کردە کردە ئامانج بەتایبەت فڕۆکەخانەی حەما.
ئاماژەی بەوەشکردووە، ئەم هێرشانە بووە هۆی شەهیدکردن و بریندارکردنی دەیان مەدەنی بێتاوان، ئەو ڕێبازە فراوانخوازی شەڕانگێزانە پشتڕاست دەکەنەوە کە حکومەتی داگیرکەر گرتویەتییەبەر و نوێنەرایەتی پێشێلکارییەکی ئاشکرای یاسا نێودەوڵەتییەکان و سەروەری نیشتمانیی دەوڵەتان دەکات.
لە ڕاگەیەندراوەکەی وەزارەتی دەرەوەدا ئاماژە بەوەشکراوە،"کۆماری عێراق پاڵپشتی خۆی بۆ گەلی برای سووریا دووپاتدەکاتەوە، هەروەها داوا لە کۆمەڵگەی نێودەوڵەتی دەکات بەرپرسیارێتی خۆی لە ئەستۆ بگرێت بۆ ڕاگرتنی ئەو پێشێلکارییانە و پاراستنی هاوڵاتیانی مەدەنی و ڕێزگرتن لە مافی گەلان بۆ ئەوەی بە ئاسایش و ئارامی بژین.
|