باجە نوێیەكانی ترەمپ چ كاریگەرییەكی خراپیان لەسەر عێراق هەیە؟

نها نیوز – هەواڵەکان

دوای ئەوەی دوێنێ ترەمپ 39% پێناسی گومرگی بەسەر عێراق و 41%ی بەسەر سوریادا سەپاند، شارەزایەکی ئابوری عێراق لەوبارەیەوە زانیاری نەدرکاو و مەترسیدار دەخاتە روو.

نەبیل مەرسومی، شارەزای ئابوریی لەوبارەیەوە ئاماژە بەوە دەکات کە ترەمپی سەرۆكی ئەمریكا باجی بەسەر هەموو ئەو كاڵایانەدا سەپاندووە كە هاوردەی ویلایەتە یەكگرتووەكان دەكرێن، ئەمەش بەرێژەی جیاواز كە لە 10%وە دەستپێدەكات بەرەو سەرەوە، بەڵام هاوردەكردنی نەوت و غازی و بەرهەمە پاڵاوتەكانی لە باجی گومرگیی بەخشیوە.

بەوتەی مەرسومی "ترەمپ بەرێژەی 39% باجی بەسەر هەناردەی عێراق بۆ ویلایەتە یەكگرتووەكاندا سەپاند؛ لەبەرئەوەی هەناردەی عێراق زۆر سنوردارە، بڕیارەكەی ئەمریكا لەم لایەنەوە كاریگەرییەكی وەهای نابێ كە جێگای باس بێ، بەڵام جێبەجێكردنی باجە نوێیەكان كاریگەریی نەرێنی دەبێت لەسەر بازرگانیی و گەشەی ئابوریی جیهانی و، دواتریش كاریگەریی دەبێت لەسەر گەشەی خواست لەسەر نەوت و؛ بەمەش كاریگەریی نەرینی لەسەر نەرخی نەوت دروستدەكات؛ كەلە یەكەم كاردانەوەی خێرادا لەبەرامبەر باجەكانی ترەمپ، دوو دۆلاری لەدەستدا.

ئەو ئابوری ناسە رشدە لەسەر ئەوەی، کە ئەو باجانە لەرۆژانی ئایندە قەبارەی کاریگەرییە نەرێنییەکانی دەردەکەوێت لەسەر نرخی نەوتی جیهانیی و، هەموو ئەو دەوڵەتانەی كە نەوت هەناردە دەكەن لەنێویاندا عێراق.