لەنێوان حەلبوسی و پەرلەمانتارێکدا شەڕی قورس دروستبوو
نها نیوز – هەواڵەکان
بەهۆی دەمەقاڵێوە لەنێوان محەمەد حەلبوسی سەرۆکی پێشوی پەرلەمانی عێراق و ئەندامێکی ئەو پەرلەمانە، حەلبوسی هێرشدەکاتە سەر ئۆفیسی پەرلەمانتارەکە و تێکی دەشکێنێت.
بەپێی زانیارییەکان، دوای ئەوەی لە "وەتس ئاپ" شەڕ لەنێوان حەیدەر مەلاو محەمەد حەلبوسی روویداوە، دواتر حەلبوسی گروپێکی ناردووەتە سەر ئۆفیسی حەیدەر مەلاو کەل و پەلی ئۆفیسەکەی دەشکێنن.
سەبارەت بە هۆکاری ئەو هەڵکوتانەسەر ئۆفیسی ئەو پەرلەمانتارە، زانیارییەکان ئەوەشیان ئاشکراکردووە، محەمەد حەلبوسی سەرۆکی پێشووی پەرلەمانی عێراق و سەرکردەی سونەیە، حەیدەر مەلاش پەرلەمانتار و سەرکردەیە لە هاوپەیمانی عەزمی سونەکان، بەهۆی ئەوەی محەمەد حەلبوسی جنێوی زۆری داوە، حەیدەر مەلاش نامەکانی سکرین کردووە و خۆی نا لەڕێگەی خەڵکەوە بڵاوکردووەتەوە، پێدەچێت ئەوە حەلبوسی توڕە کردبێت و بڕیار هێرشکردنە سەر ئۆفیسەکەی مەلای دابێت.
جێی باسە، نامەکانی نێوانیان لە کۆمێنتە و شەڕەکە لەگروپی "وەتس ئاپ" کراوە، کە گروپەکە زۆرینەی سەرکردە عێراقیە سونەکانی تێدایە، ئاڵا تاڵەبانیش لەو گروپەدا هەیە.
|