ژنە مۆدێلێکی ناسراو بەدەستی کەسێکی 2003ەوە لە عێراق کوژرا
نها نیوز – هەواڵەکان
میدیا عەرەبییەکان رایانگەیاند، شەوی رابردوو لە بەغدا تەرمی ژنە مۆدێلێکی عێراقی دۆزرایەوە و بکوژیش دەستگیرکراوە.
میدیا عەرەبییەکان سەبارەت بە دۆزینەوەی تەرمی ژنێکی عێراقی و دەستگیرکردنی بکوژەکە بەمجۆرە زانیارییان خستوەتەڕوو، شەوی رابردوو لە یەکێک لە باڵەخانەکانی پارێزگای بەغدا تەرمی ژنە مۆدێلێکی عێراقی بە ناوی “شەوق عەنزی” دۆزرایەوە و لەلایەن هێزەکانی ئاسایشی عێراق بکوژەکەی لە ئەنبار دەستگیرکرا.
ئەوەش ئاشکراکراوە "هێزەکان دەستیان بەسەر دەمانچەکەیدا گرتووە و رێکاری یاسایی گیراوەتەبەر، هەروەها بکوژەکە لە دایکبووی 2003ـیە".
جێگای ئاماژەیە، نازانرێت ئەو ژنە لە چی کاتێکدا کوژراوە، بەڵام بکوژەکە لەدوای کوشتنی ژنەکە بۆ شاری ئەنبار هەڵاتووە، زانیاری و وەردەکاری زیاتر نەخراوەتەڕوو.
|