لەعێراقەوە گەورەترین فێڵی تورکیا ئاشکرابوو
نها نیوز - هەواڵەکان
بەپێی وتەی قەیس خەزعەلی سەرۆكی گروپی عەسایئبی ئەهلی هەق، توركیا هەزاران هاوڵاتی عێراقی لەچوارچێوەی میلیشیای چەكداریدا رێكخستووە، دەشڵێت "لەناو توركیا راهێنانی پێكردون و سەركردایەتیان دەكات".
قەیس خەزعەلی، سەرۆكی گروپی عەسایئبی ئەهلی هەق لەوتاری جەژندا وتی "توركیا میلیشيای لە هەزران چەكداری عێراقى پێكهێناوە و لەناوخۆی توركیا راهێنانی پێكردوون و سەركردایەتیكردن و دابینكردنی پارەو ئیدارەكردنیان، بەتەواوی لەلایەن ئەنكەرەوە بەڕێوەدەبرێت.
خەزعەلی ئاشکراشیکرد "چەندین هاوڵاتی عێراقی لەهەردوو پارێزگای كەركوك و نەینەواوە براونەتە توركیا و راهێنانیان پێكراوە و رێكخراون، كە تائێستا بەشێكیان تائەم ساتەش لەلایەن توركیاوە مووچەكانیان دابیندەكرێت، ناوی فەرمیان، هێزەكانی پاسەوانی نەینەوا، لە پارێزگای نەینەواو، هێزەكانی قەڵغانی كەركوك، لە پارێزگای كەركوكە".
ئاماژەی بەوەشدا "بەشێك لەمانە بە قودەرتی قادر كە پێویستە لێكۆڵینەوەی لێبكرێت، خزێنراونەتە ناو هێزەكانی حەشدی شەعبی و، بەناوی حەشدی شەعبیەوە مووچە وەردەگرن بۆ ئەوەی بارگرانی توركیا كەمبكەنەوە، بەتایبەت لە لیوای (59) لە نەینەوا".
سەرۆكی گروپی عەسایئبی ئەهلی هەق راشیگەیاند "باس لە پیلانگێڕی و شرۆڤەكردن ناكات، بەڵكو باسى بەڵگەو ژمارە دەكات، كە نابێت چاوپۆشی لێبكرێت".
"رێگای گەشەپێدان سودی چییە بۆ وڵاتێك كە بەشێكی خاكەكەی داگیركردبێتیت، بەپێویستیشی زانی هێزەكانی بكشێنێتەوە و بەهانە بۆ شتێك نەهێنێتەوە كە خۆی خولقاندویەتی". قەیس غەزعەلی وا دەڵێ
|