خانەنشینان لە بڕیاری لێبڕینی 1%ـی مووچە بەخشران

نها نیوز – هەواڵەکان

ئەنجومەنی وەزیرانی عێراق بڕیاریدا بە بڕینی لە 1%ـی مووچەی فەرمانبەران بۆ هاوکاری غەزە و لوبنان.

هاوکات، ئەنجوومەنی وەزیرانی عێراق دەنگیدا بە لابردنی خانەنشینان لە بڕیاری لێبڕینی 1%ـی مووچە بۆ پاڵپشتی (غەززە و لوبنان).

نوسینگەی ڕاگەیاندنی سەرۆک وەزیرانی عێراق، لە ڕاگەیەندراوێکدا ئاماژەی بەوەکردووە، ئەنجومەنی وەزیران دەنگیدا بە بەخشینی خانەنشینان لە بڕیاری لێبڕینی 1%ـی مووچە بۆ پاڵپشتیکردنی (غەززە و لوبنان)، ئەمەش لە بەرواری دەرچوونی لە 24ـی مانگی 12ـی ساڵی 2024ەوە دەستی پێکردووە.

خانەنشینان لەم دواییانەدا سەریان سوڕما لە لێبڕینی بڕە پارەیەک لە مووچەی خانەنشینییان بە شێوەیەکی نەزانراو، ئەمەش شەپۆلێکی توڕەیی و ناڕەزایی لەنێویاندا دروستکرد.