سودانی بەرەو تاران دەڕوات
نها نیوز – هەواڵەکان
محەممەد شیاع سودانی، سەرۆک وەزیرانی عێراق بەنیازە ڕۆژی چوارشەممە، 8ـی کانوونی دووەمی 2025، سەردانێکی فەرمی بۆ کۆماری ئیسلامی ئێران بکات.
بەگوێرەی ڕاگەیاندنی نووسینگەی سەرۆک وەزیرانی عێراق، سەردانەکە گفتوگۆ لەسەر پەیوەندییە دووقۆڵییەکانی نێوان هەردوو وڵات و ڕێگاکانی بەرزکردنەوەیان لەخۆدەگرێت، ئەمەش لەبەر ڕۆشنایی ئەوەی لە سەردانەکەی مەسعوود پزیشکیان، سەرۆک کۆماری ئێران بۆ بەغدا لە مانگی ئەیلولی ساڵی ڕابردوودا بەدەست هاتووە.
ئاماژەی بەوەشکردووە، هەردوولا گفتوگۆ دەکەن لەسەر ئەو پێشهاتانەی لە ناوچەکەدا بەدی دەکرێن.
|