بۆ تاوتوێکردنی پرسی بودجه و مووچە شاندێکی هەرێم گەیشتە بەغدا

نها نیوز – هەواڵەکان

سەرلەبەیانی ئەمڕۆ یەکشەممە، شاندێکی باڵای حکوومەتی هەرێمی کوردستان گەیشتە بەغدا، بۆ تاوتوێکردنی کۆمەڵێک پرس، دیارترینیان بودجە و مووچەی فەرمانبەرانی هەرێم.

دوێنێ شەممە، هۆنەر جەمال، وتەبێژی وەزارەتی دارایی و ئابووری لە حکومەتی هەرێمی کوردستان، دووپاتی کردەوە کە ئاوات شێخ جەناب، وەزیری دارایی و ئابووری لە حکومەتی هەرێم سەرۆکایەتی شاندی حکومەت دەکات و دەچێتە بەغدا لەسەر پرسی مووچەی فەرمانبەرانی هەرێمی کوردستان.

ڕوونیشیکردەوە، شاندەکە لەگەڵ تەیف سامی، وەزیری دارایی فیدراڵی کۆدەبێتەوە، بۆ تاوتوێکردنی پرسی مووچەی فەرمانبەرانی هەرێم بۆ مانگەکانی، 12.11.10ـی ساڵی 2024، جگە لە گفتوگۆکردن لەسەر هەموارکردنەوەی بودجەی فیدراڵی و پشکی هەرێم لە بودجەی ساڵی 2025دا.