لەبارەی درێژکردنەوەی قەدەغەی هاتووچۆ بڕیار درا

نها نیوز - هەواڵەکان
عەبدولزەهرە هینداوی، وتەبێژی وەزارەتی پلاندانانی عێراق لەبارەی درێژکردنەوەی قەدەغەی هاتووچۆ رایدەگەیەنێت، پێویستمان بە هیچ بڕیارێکی لەو شێوەیە نابێت.

هینداوی دەڵێت "بەگوێرەی دوایین داتا کە لەبەردەستماندایە، تا کاتژمێر 04:00ی پاشنیوەڕۆی ئەمڕۆ، بە نزیکەیی 97%ی کارەکانی سەرژمێری لە سەرجەم پارێزگاکانی عێراق و هەرێمی کوردستان تەواو کراون".
 
وتەبێژی وەزارەتی پلاندانانی عێراق باس لەوەش دەکات "کارەکانی سەرژمێری بەردەوامن و بە ئەگەری زۆرەوە، پێش کاتژمێر 12:00ی ئەمشەو دەگەینە رێژەی 100%".
 
لەبارەی ئەگەری درێژکردنەوەی ماوەی قەدەغەی هاتووچۆوە، ناوبراو دەڵێت "پێویستمان بە هیچ بڕیارێک بۆ درێژکردنەوەی ماوەی قەدەغەی هاتووچۆ نابێت، چونکە بە ئەگەری زۆر هەر ئەمڕۆ کارەکانمان تەواو دەکەین".