دادگای فیدڕاڵی مووچەی خانەنشینی کەمدەکاتەوە
نها نیوز – هەواڵەکان
بە بڕیاری دادگای باڵای فیدڕاڵی مووچەی خانەنشینیی بەڕێوەبەرە گشتییەكان كەمدەكرێتەوە.
جەمال كۆچەر، ئەندامی لیژنەی دارایی لە پەرلەمانی عێراق بە میدیای پارتی دەڵێت "لە دوو رۆژی رابردوو دادگای باڵای فیدڕاڵی لە وەڵامی سكاڵایەكی تەیف سامی، وەزیری دارایی عێراق بڕیاریدا بە هەڵوەشاندنەوەی بڕگەیەكی یاسای خانەنشینی یەكگرتووی عێراق كە تایبەتە بە خانەنشینبوونی بەڕێوەبەرە گشتییەكان".
ناوبراو ئاشکراشی دەکات "بەپێی بڕگەكە بەڕێوەبەرە گشتییەكان بە %80ی كۆی مووچە خانەنشین دەبوون، بەڵام بە هەڵوەشاندنەوەی لەلایەن دادگای باڵای فیدڕاڵییەوە، لەمەودوا مووچەی خانەنشینی بەڕێوەبەرە گشتییەكانیش هاوشێوەی فەرمانبەرانی ئاسایی دەبێت".
|