هێزەکانی سوریای دیموکرات راگەیەندراوێکی بڵاو کردەوە

نهانیوز-هەواڵەکان

هێزەکانی سوریای دیموکرات "هەسەدە" هێرشێکی چەکدارانی سەر بە حکومەتی سوریای لە گوندەوارەکانی رۆژئاوای کۆبانێ تێکشکاند و رایگەیاند، ژمارەیەک چەکداریان کوشتووە و چەندین زرێپۆش و ئۆتۆمبێلی چەکدارەکانیان تێکشکاندووە.

 هێزەکانی سوریای دیموکرات لە راگەیەندراوێکیدا ئاماژەی بەوەکردووە، سەرباری راگەیاندنی ئاگربەست، چەکدارانی سەر بە حکومەتی سوریا هەوڵیان دا بەرەو گوندەکانی شێخلار و زیریک پێشڕەوی بکەن، بەڵام لە لایەن هێزەکانی هەسەدەوە بەرپەرچدرانەوە.

 راشیگەیاندووە: لە میحوەری جەلەبیەدا دوو زرێپۆش و چەند ئۆتۆمبێلێکی دیکە تێکشکێندراون و ژمارەیەک چەکداریش کوژراون و بریندار بوون.

هەسەدە ئاماژەی بەوەشکردووە: پێکدادان لە میحوەری زیریک هێشتا بەردەوامی هەیە.