بافڵ تاڵەبانی پەیامێکی بڵاو کردەوە

نهانیوز-هەواڵەکان

سەرۆکی یەکێتیی نیشتمانیی کوردستان، بەبۆنەى جەژنى سێ شەوەى قەوەڵتاس پیرۆزبایى گەرم ئاڕاستەى کاکەییەکان دەکات و رایدەگەیەنێت: یەکێتیی نیشتمانیی کوردستان بە ئەرکى خۆى دەزانێت، کە بەردەوام پارێزەرى مافەکانتان بێت لە هەرێمى کوردستان و عیراق.

دەقى پەیامەکە:

بەبۆنەى جەژنى سێ شەوەى قەوەڵتاس پیرۆزبایی گەرم لە خوشک و برایانى کاکەیی دەکەم و بەهیوام ئەم جەژنەیان بەخۆشی و شادى بەڕێبکەن.

خوشک و برایانى کاکەیی بەشێکى سەرەکین لە کۆمەڵانى خەڵکى کوردستان، رۆڵى بەرچاویان لە خەبات و تێکۆشانى نەتەوەکەماندا هەیە.

یەکێتیی نیشتمانیی کوردستان بە ئەرکى خۆى دەزانێت کە بەردەوام پارێزەرى مافەکانتان بێت لە هەرێمى کوردستان و عێراق.

بافڵ جەلال تاڵەبانی
سەرۆکی یەکێتیی نیشتمانیی کوردستان