وادەی کۆتاییهاتنی وشکە سەرما و رەشەبا راگەیەندرا

نهانیوز-هەواڵەکان

بە پێی پێشبینییەکانی کەشناسی هەرێم، پلەکانی گەرما بۆ ژێر سفر دادەبەزێت و لە ناوچە شاخاوییەکانیش دەگاتە پێنج پلەی ژێر سفر و وشکە سەرماش هەتا رۆژی یەکشەممە بەردەوام دەبێت.

لە ڕاگەیەندراوێکدا بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە کە  کاریگەریی بەرزە پەستانی هەوای ڕووسیا کە بارستە هەوایەکی وشک و شاردی لەگەڵ دەبێت، تاوەکو یەکشەممەی داهاتوو پلەی گەرما بەشێوەیەکی بەرچاو نزم دەبێتەوە.

دەشڵێت " لە سەنتەری شارەکانی وەک سلێمانی و سۆران پلەی گەرما بۆ ژێر سفر دادەبەزێت و لە ناوچە شاخاوییەکانیش دەگاتە پێنج پلەی ژێر سفر."

کەشناسیی هەرێم نزمترین پلەی گەرمای پێشبینیکراوی بەم شێوەیە دیاری کردووە:

سلێمانی: لەنێوان 2 بۆ 3 پلە لەژێر سفر (-3).

ناوچە شاخاوییەکان: لەنێوان 1 بۆ 5 پلە لەژێر سفر (-1 بۆ -5).

هەولێر: لەنێوان 1 بۆ 4 پلەی سیلیزی.

دهۆک و هەڵەبجە: لەنێوان 1 بۆ 4 پلەی سیلیزی.

کەرکووک: لەنێوان 7 بۆ 9 پلەی سیلیزی.