قوباد تاڵەبانی بڕیار دەدات
.jpg)
نهانیوز-هەواڵەکان
جێگری پارێزگاری سلێمانی، رایگەیاند، ئەمڕۆ دەرئەنجامی لیژنەی لێکۆڵینەوە لە لافاوەکەی چەمچەماڵ دەخرێتە بەردەست قوباد تاڵەبانی و بڕیاردەدات، دەشڵێت" لە لافاوەکەدا کەمتەرخەمیی هەبووە و دەکرا زیانەکان بەو رادەیە نەبن".
شەممە 13ی کانوونی یەکەم شاهۆ عوسمان، جێگری پارێزگاری سلێمانی رایگەیاند" کاری لیژنەی لێکۆڵینەوە لە لافاوەکەی چەمچەماڵ کۆتاییهاتووە و دەرئەنجامەکان دەخرێنە بەردەست قوباد تاڵەبانی، جێگری سەرۆکوەزیرانی هەرێمی کوردستان و ئەو بڕیار دەدات".
وتیشی، "لە لافاوەکەدا کەمتەرخەمیی هەبووە و دەکرا زیانەکان بەو رادەیە نەبن و رێکاری پێویست بگیرێتەبەر".
|