وەزیری سەرچاوەکانی ئاوی عێراق: زۆرترین بارانبارین بەر موسڵ، دهۆک و هەولێر دەکەوێت
نهانیوز-هەواڵەکان
لەدوای گەورەترین وشکەساڵی لە عێراق، وەزیری سەرچاوەکانی ئاو ڕایگەیاند، یەکەم بارانی ئەمساڵ، سەرتایەکى ئومێدبەخشە بۆ ساڵێکى باراناوى و لە مانگەکانی کانووی دووەم، شوبات و ئازار بارانی باش دەبارێت و زۆرترین بری بارانبارین بەر موسڵ، دهۆک و هەولێر دەکەوێت.
عەون زیاب، وەزیری سەرچاوەکانی ئاوی عێراق، رایگەیاند، ئومێد دەکرێت ئەمساڵ ساڵێکی پاراو بێت، ئەوەش لەدوای گەورەترین وشکەساڵی کە عێراق بەخۆیەوە بینیویەتی، ئاشکراشی کردووە، مانگەکانی کانوونی دووەم، شوبات و ئازار بارانی باش دەبارێت.
ئاماژەی بەوەشدا، بڕی باران لە ناوچەکانی عێراق جیاوازە و پشکی شێری بەر ناوچەکانی موسڵ، دهۆک و بەشێکی هەولێر دەکەوێت، بارانی مامناوەندیش لە ناوچەکانى سلێمانی، بەشێکی فراوانی هەولێر و دیالە دەبارێت.
|