ژمارەیەک کاندید لە حزبەکانی خۆیان کشانەوە و هاتنە ناو یەکێتیی

نها نیوز – هەواڵەکان

ژمارەیەک کاندید لە حزبەکانی خۆیان کشانەوە و پشتیوانی خۆیان بۆ لیستی ٢٢٢ی یەکێتی راگەیاند.

ئەمرۆ  چوارشەممە 5 ی تشرینی دووەمی 2025 سێ کاندیدی  بەرەی گەل ودوو کاندیدی  رەوتی هەڵوێست ،گەرانەوە ناو یەکێتیی و  پشتیوانی خۆیان بۆ لیستی 222  راگەیاند  و لە لایەن سەرکەوت زەکی  ئەندامی مەکتەبی سیاسی وسەرپەرەشتیاری مەڵبەندی سلێمانی و چەمچەماڵ بە گەرمی پێشوازییان لێکرا.

لەو بارەیەوە سەرکەوت زەکی رایگەیاند، مەڵبەندی سلێمانی  و یەکێتیی هی هەمووانە و ماڵە گەورەکەی یەکێتیی  باوەشی کراوەیە بۆ هەموو تێکۆشەرێک کە بیهەوێ درێژە بە کارو خەبات بدات.