ئەنجامی زانکۆ لاین راگەیەندرا

نها نیوز - هەواڵەکان 

وەزارەتی خوێندنی باڵای هەرێمی کوردستان ئەنجامی زانكۆ لاینی راگەیاند.

ئارام محەمەد، وەزیری خوێندنی باڵاو توێژینەوەی زانستی لەمیانی راگەیاندنی ئەنجامی زانكۆلاین لە کۆنگرەیەکی رۆژنامەوانی وتی "لە (97%) قوتابیان خوێندكاران وەرگیراون".

وتیشی "(15) هەزار كورسیمان لە دەرەوەی پلان وەرگرتووە. هەروەها توانای زانكۆكانمان تەنها وەرگرتنی (30) هەزار خوێندكارە".

ئارام محەمەد ئاماژەی بەوەشکرد، وەرگرتنی ئەو ژمارە زۆرە بۆ ئەوەیە قوتابیان و خوێندكاران لە خوێندن و دەرفەتی بەدەستهێنانی بڕوانامە بێبەش نەبن.

بەوتەی وەزیری خوێندنی باڵا "ستەم لە هیچ قوتاببیەك نەكراوە و دادپەروەرانە كارەكان كراون".

هەر بەوتەی ناوبراو "ئەمساڵیش لە (100%) قوتابیان و خوێندكاران لە زانكۆو پەیمانگاكان وەردەگیرێن. بەوەیش كۆی ژمارەی دەرچوانی ئەمساڵ (57980) كەسن".

باسی لەوەشکرد، كۆی وەرگیراوانی بەشەكانی وێژەی و زانستی (50862) كەسن. راشیگەیاند "نمرەی قوتابیان و بەتایبەتیش بەشی زانستی دابەزیووە".

وەک ئارام محەمەد دەڵێت "(45717) دەرچوی ئەمساڵ داواكارییان بۆ وەرگرتن پێشكەش كردووە. وە (14731) كورسی خوێندن بە بەتاڵی ماوەتەوە".