خەرجکردنی پارەی دەرمان بۆ نەخۆشخانەکانی سلێمانی دەستیپێکرد

نها نیوز – هەواڵەکان

تەندروستی سلێمانی رایگەیاند، دوای ئەوەی لەسەر راسپاردەی قوباد تاڵەبانی و وەزیری دارایی  بڕیاری چارەسەرکردنی کێشەی نەشتەرگەری و دەرمان و نەبوونی کەرەستەی پزیشکی لە سلێمانی درا، ئەمڕۆ دەستکرا بە خەرجکردنی پارەکە.

دەقی راگەیەندراوەکە:

دەستکرا بە خەرجکردنی پارەی دەرمان بۆ نەخۆشخانەکانی سلێمانی

ئەمڕۆ چوارشەممە  بە هەوڵی بەڕێز د. ماکوان بەڕێوەبەری لقی سلێمانی بانکی هەرێم دەستکرا بە خەرجکردنی پارەی نەختینەی بەڕێوەبەرایەتی گشتی تەندروستی سلێمانی و بەمەش کێشەی نەشتەرگەری و دەرمان و نەبوونی کەرەستەی پێویستی پزیشکی لە سلێمانی تا کۆتایی ئەمساڵ کۆتایی هات وە سوپاس بۆ بەڕێزان وەزیری تەندروستی حکومەتی هەرێمی کوردستان و پارێزگاری سلێمانی و جێگری پارێزگاری سلێمانی  هەوڵەکانی بۆ چارەسەرکردنی کیشەی نەشتەرگەری و دەرمان و نەبوونی کەرەستەی پزیشکی پێویست لە سلێمانی.

بەڕێوەبەرایەتی گشتی تەندروستی سلێمانی ..