لێكۆڵەری كاروباری سیاسی: عێراق هێشتا لە بازنەی مەترسیداردایە
نها نیوز – هەواڵەکان
لێكۆڵەری كاروباری سیاسی و نزیك لە سودانی رایگەیاند، عێراق هێشتا لە بازنەی مەترسیداردایە و، دیپلۆماسیەتی بەرهەمهێنەری حکومەتیش بەشداربووە لە رێگریكردن لە هێرشی چاوەڕوانكراوەى ئیسرائیل بۆ سەر عێراق.
نەبیل عەزاوی، لێكۆڵەری كاروباری سیاسی و نزیك لە سودانی، لە لێدوانێكی رۆژنامەوانیدا رایگەیاند، وەزارەتی دەرەوەی ئەمریکا سوپاسی حکومەتی سودانی کردووە بۆ ئاسانکارییەكانی لەبارەی دۆسیەی كچە روسییە رفێنراوەكە لە عێراق.
وتیشی:عێراق هێشتا لە بازنەی مەترسیداردایەو، دیپلۆماسیەتی بەرهەمهێنەری حکومەتیش بەشداربووە لە رێگریكردن لە هێرشی چاوەڕوانكراوەى ئیسرائیل بۆ سەر عێراق.
ئەو لێکۆڵەری ئاشکراشیکرد، پرنسیپی پاداشت و سزا لە ناو حکومەتی سودانیدا هەیەو چوار وەزیری حکومەتی محەمەد شیاع سودانی رەنگە رەوانەی زیندان بكرێن، دۆسییەكانیان لای دەستەی دەستپاکییەو لە چەند رۆژی داهاتوودا ناویان رادەگەیەنرێت.
|