شاسوار شۆککرا و دەستەکەشی "کەشف" بوو

نها نیوز – هەواڵەکان

سەرچاوەیەکی ئاگادار ئاشکرایکرد، لە ساڵی 2017ەوە شاسوار هەموو موڵکەکانی بە کەسێک فرۆشتووە کە ناوی (نوری سەباح)ە بە بڕی نزیکەی 425 ملیار دیناری عێراقی، بەڵام بەهۆی داواکاری وەزارەتی دارایی هەرێم ئەو مامەڵەیە پوچەڵکراوەتەوە و بە نایاسایی لەقەڵەم دراوە.

سەرچاوەیەکی ئاگادار دوو نوسراو ئاشکرا دەکات کە چۆن شاسوار عەبدولواحید 60 موڵکەکەی فرۆشتووە و بە میدیای پارتی وت "بۆ فرۆشتنی 60 موڵکەکەی شاسوار پێویستی بە لیژنەیەکە بۆ دووبارە خەمڵاندنەوەی نرخی پشکەکان؛ بەنمونە کابینە گەشتیارییەکان بدرێت بەچەند وە تادوایی، پاشان لەرێگەی دوو رۆژنامەوە بانگەوازی بۆ دەکرێت کە هەر کەسێک ویستی بەشداری بکات لە موزایەدەی ئاشکرادا، بیکڕن".

لە نوسراوی یەکەمدا کە فەرمییە هاتووە "لەبەرواری 21ی 11ی 2017 شاسوار عەبدولواحید خاوەنی چاڤیلاند هەستاوە بە فرۆشتنی هەموو موڵکەکانی بەکەسێک کە ناوی (نوری سەباح حسێن)ە وەکو بەڕێوەبەر، هەروەها تۆماری کۆمپانیاکانیش هەر بەناوی ناوبراوەوەیە. لایەنی فرۆشیار کە شاسوارە موڵکەکانی بە 424 ملیار و 302 ملیۆن 570 هەزار و 380 دیناری عێراقیی بە لایەنی دووەم کە (نوری سەباح)ە فرۆشتووە".

سەرچاوەکە ئەوەشی ئاشکراکردووە "بەپێی ئەو رێکارانەی کە وەزارەتی دارایی گرتویەتیەبەر زیاتر لە چەند ساڵێکە هەوڵ دەدرێت ئەو مامەڵەیە پوچەڵبکرێتەوە و دواجاریش دادگا مامەڵەکەی پەسەند نەکرد، ئەویش بەهۆکاری کەڵەکەبوونی قەرزەکانی شاسوارەوە؛ بەوەیش مامەڵەکە لە دادگا بە نایاسایی لەقەڵەم دراوە، وە ئەو داواکارییەش وەزارەتی دارایی کردوویەتی".

سەرچاوەکە نوسراوی دووەم کە بانکی سلێمانی یەک بڵاویکردووەتەوە ئاشکرا دەکات و دەڵێت "لە بەرواری 20ی 2ی 2022 کۆی قەرزەکانی شاسوار عەبدولواحید بە سێ بۆ چوار گوژمە وەریگرتووە".

ئەوەیش لەکاتێکدایە، وەزارەتی دارایی و ئابووریی هەرێمی کوردستان رایگەیاند، لە زیادکردنێکی ئاشکرادا سەرجەم ئەو موڵکانەی کۆمپانیای نالیا و چاڤی دەفرۆشرێن کە دەستیان بەسەردا گیراوە و ژمارەیان 60 موڵکە.