له‌خیانه‌تی 31ی ئابدا زیاتر له 236 پێشمه‌رگه‌ی یه‌كێتی شه‌هیدكران
نها نیوز – هەواڵەکان
بە بۆنەی نزیکبوونەوە لە 31ی ئاب، په‌رله‌مانتارێکی فراكسیۆنی یه‌كێتی له‌په‌رله‌مانی كوردستان رایگەیاند، پارتی ده‌بابه‌كانی رژێمی دیكتاتۆری به‌عسی هێنایه ناو په‌رله‌مانی كوردستان و له‌و خیانه‌ته‌شدا زیاتر له 230 پێشمه‌رگه‌ی یه‌كێتیی نیشتمانیی كوردستان ته‌نها له هه‌ولێر شه‌هید كران.
هه‌ردی سه‌ڵاح په‌رله‌مانتاری فراكسیۆنی یه‌كێتی له‌په‌رله‌مانی كوردستان بە میدیای یەکێتیی راگه‌یاند، پارتی29 ساڵ له‌مه‌وبه‌ر به ده‌بابه‌ی به‌عس هه‌ولێری داگیركرد، هه‌موو خه‌ڵكی كوردستان ده‌زانێت كه ده‌ستكه‌وته‌كانی ئه‌وان له رابردوودا هه‌ره‌ها له‌ئێستادا چییه بۆ خه‌ڵكی كوردستان.
راشیگه‌یاند، ئه‌وان هه‌مووكاتێك له‌پێناو مانه‌وه‌ی خۆیان سڵیان له هیچ نه‌كردۆته‌وه، وه‌ك چۆن له خیانه‌تی 31ی ئاب و به‌ده‌سته‌وه‌دانی شه‌نگال و كاره‌ساته‌كانی تردا ئه‌نجامیداوه‌و ئێستاش به‌رده‌وامن.
به‌پێی ئاماره‌كانی مه‌كته‌بی شه‌هیدانی یه‌كێتی ، له‌خیانه‌تی 31ی ئابی پارتی دا 236 پێشمه‌رگه‌ی یه‌كێتی ته‌نها له‌هه‌ولێر و ده‌وروبه‌ری شه‌هیدبوون.
هه‌ر به‌پێی ئاماره‌كه، جگه له‌و ژماره شه‌هیده، یه‌كێتی زیاتر له 700 پێشمه‌رگه‌ی له‌و خیانه‌ته‌دا برینداربوون، ئه‌مه جگه له‌وه‌ی ژماره‌یه‌ك ماڵی زۆری پێشمه‌رگه‌كانی یه‌كێتی له‌لایه‌ن تاڵانچییه‌كانی 31ی ئابه‌وه تاڵانكران و ماڵ و منداڵیان ده‌ربه‌ده‌ر كران.
|