نها نیوز – هەواڵەکان
سەرۆکی یەکێتیی لەگەڵ سکرتێری گشتیی سۆسیال دیموکراتی میسر کۆبووەوە و ئاماژە بە رۆڵی سەرۆک مام جەلال کرا، لە دروستکردنی پەیوەندییەکانی هەرێمی کوردستان و میسر.
ئەمرۆ شەممە 30ی ئابی 2025، بافڵ جەلال تاڵەبانی، سەرۆکی یەکێتیی نیشتمانیی کوردستان لە بارەگای مەکتەبی سیاسی لە سلێمانی لەگەڵ فەرید زەهران، سکرتێری گشتیی سۆسیال دیموکراتی میسر کۆبووەوە.
لە دیدارێکدا کە شاڵاو کۆسرەت رەسوڵ، د. خەسرەو گوڵ و سەعدی پیرە، ئەندامانی مەکتەبی سیاسی ئامادەیبوون، هەردوولا پەرەپێدانی پەیوەندییەکانیان بە گرنگ زانی.
فەرید زەهران پیرۆزبایی لە بافڵ جەلال تاڵەبانی کرد بەبۆنەی هەڵبژاردنی بە سەرۆکی هاوپەیمانیی سۆسیال دیموکرات لە جیهانیی عەرەبی، هەروەها ئاماژەی بە رۆڵی سەرۆک مام جەلال کرد لە دروستکردنی پەیوەندییەکانی هەرێمی کوردستان و میسر.
ئهمڕۆ 30ی ئابی 2025 له‌سلێمانی كۆنفرانسی هاوپه‌یمانیی سۆشیال دیموكرات له‌جیهانی عه‌ره‌بی كۆتایی هات، بافڵ جەلال تاڵەبانی وەك سەرۆكی هاوپەیمانی سۆسیال دیموكرات لە جیهانی عەرەبی دیاریكرا.
رۆژی 27ی8ی2025 له‌سلێمانی، كۆنگره‌ی هاوپه‌یمانیی سۆشیال دیموكرات له‌جیهانی عه‌ره‌بی به‌به‌شداریی ژماره‌یه‌كی زۆر له كه‌سایه‌تی و سه‌ركرده جیهانییه‌كان ده‌ستپێكرد، لە ماوەی بەرێوەچوونی کۆنفرانسەکەدا، سەرۆکی یەکێتتی زیاتر لە 10 کۆبوونەوەی گرنگی ئەنجام داوە.
ئهمڕۆ كۆتا رۆژی كۆنگره‌كه بوو، پلانی ستراتیجی و به‌رنامه‌ی كاری سێ ساڵی داهاتووی هاوپه‌یمانێتییه‌كه دارێژرا.