بافڵ تاڵەبانی پەیامێکی گرنگی بڵاوکردەوە
بافڵ تاڵەبانی، سەرۆکی یەکێتیی نیشتمانیی کوردستان لە کۆتا رۆژی کۆنفرانسی هاوپەیمانیی سۆسیال دیموکراتی وڵاتانی عەرەبی لە سلێمانی کە سەرۆکی هاوپەیمانێتییەکە هەڵبژێردرا، رایگەیاند" هەبوونی زۆرترین حزبی ئۆپۆزسیۆن و رۆژنامەنووس و چالاکوان لە سلێمانی نیشانەی هەبوونی دیموکراسیە لە سلێمانی".
ئاماژەی بەوەشکرد کە یەکێتیی نیشتمانیی کوردستان قوربانی زۆری داوە بۆ ئازادی و وتی" باوەڕمان بە کردارە نەک قسەکردن، چونکە خەڵک چاوەڕوانی کردارمان لێدەکات".
راشیگەیاند" نیگەرانم لەبارەی کەمایەتییەکان لە سوریا، خەمی خوشک و برا کوردەکانمە لە سوریا و هیوادارین حکومەتی سوریا گشتگیر بێت
سەرۆکی یەکێتیی نیشتمانیی کوردستان رایگەیاند" شاری سلێمانی هەمیشە خزمەتی بە خەباتی کورد کردووە و لەم روانگەیەشەوە ئێمە تەنها بە قسە باس لە ئازادی ناکەین، بەڵکو بە کرداریش کاری بۆ دەکەین، زۆرترین حزبە ئۆپۆزسیۆنەکان و چالاکوانانی مەدەنی لە شاری سلێمانین".
ئاماژەی بەوەشدا" بۆ یەکڕیزی و چاکسازی و دادپەروەری کار دەکەین و خەڵک چاوەڕێی کردارمان لێ دەکات".
|