کوردستان

تەندروستی عێراق دەرگای دامەزراندنی بۆ دەرچووانی کۆلێژە پزیشکییەکان کردەوە

نهانیوز-هەواڵەکان

تەندروستی عێراق دەرگای دامەزراندنی بۆ بەشێک لە دەرچووانی کۆلێژە پزیشکییەکان کردەوە و دەڵێت” دەرگای داخستنی فۆرم بۆ دەرچووانی هەرێم 1ـی 9ـی 2025 دەبێت”.

وەزارەتی تەندروستیی عێراق، لە بلاوکراوەیەکدا کاراکردنی فۆرمی ئەلیکترۆنیی بۆ دامەزراندنی ناوەندیی راگەیاند، و خشتەی کاتی پێشکێشکردنی بەگوێرەی پسپۆڕییەکان بڵاوکردەوە.

هاوکات ئاماژەی بەوەشداوە، فۆرمی دامەزراندنی تایبەت بە پزیشکان و دەرچووانی پەرستارانی هەرێمی کوردستان 1-9 دادەخرێت.

بەگوێرەی راگەیێندراوێکی وەزارەتەکە، کاتی پێشکێشکردن بەم شێوەیە دەبێت:

– دەرچووانی کۆلێژەکانی پزیشکیی ددان: لە یەک تاوەکو 14ـی ئەیلوولی 2025.

– دەرچووانی کۆلێژەکانی دەرمانسازی: لە 15ـی ئەیلوول تاوەکو یەکی تشرینی یەکەمی 2025.

– دەرچووانی پەیمانگەکان بە هەموو پسپۆڕییەکانیانەوە: لە یەکی تشرینی یەکەم تاوەکو یەکی تشرینی دووەمی 2025.

– دەرچووانی کۆلێژە تەکنیکییەکان: لە یەکی تشرینی دووەم تاوەکو یەکی کانوونی یەکەمی 2025.

– دەرچووانی دەرەوەی عێراق و دەرچووانی کۆلێژ و پەیمانگەکانی هەرێمی کوردستان: لە یەکی تاوەکو 15ی کانوونی یەکەمی 2025.

وەزارەتەکە روونیکردووەتەوە، فۆرمی تایبەت بە پزیشکانی دەرچووی دەرەوەی عێراق و هەرێمی کوردستان، هەروەها فۆرمی دەرچووانی پەرستاریی هەرێمی کوردستان، بەیانی رۆژی 1-9-2025 دادەخرێت.

تەندروستی عێراق ڕوونیشیکردۆتەوە، لە دامەزراندندا پێشینە دەدرێت بە دەرچوانی ساڵی خوێندنی 2022-2023، بە پشتبەستن بە بڕیاری ژمارە 24864ی کابینەی 2024، و هەر داواکارییەک دوای وادەی دیاریکراو وەربگیرێت پشتگوێ دەخرێت.

وەزارەتەکە جەختی لەوە کردووەتەوە، پڕکردنەوەی فۆڕمی ئەلیکترۆنی گەرەنتی دامەزراندن ناکات مەگەر لەلایەن وەزارەتی داراییەوە تەرخان نەکرێت.

 
2025-08-28
زیاتر...
Copyright © All rights reserved.