قوباد تاڵەبانی : پرسی کورد تەنیا دابینکردنی مووچە نییە لە لایەن عێراقەوە

قوباد تاڵەبانی رایگەیاند، کورد لە عێراق تەواوى مافە دەستوورى و یاساییەکانى بەدەستنەهێناوە و دۆسییەى کورد تەنیا دابینکردنى مووچە نییە لەلایەن عێراقەوە و دەبێت هەموو مانگێک هاونیشتمانیانی هەرێمى کوردستان چاوەڕوانى ناردنی مووچە بن لەلایەن بەغدادەوە".

قوباد تاڵەبانی، جێگری سەرۆکوەزیرانی هەرێمی کوردستان لە دووەم رۆژی کۆنفرانسی هاوپەيمانیی سۆسيال ديموکراتی وڵاتانی عەرەبی لە سلێمانی رایگەیاند، لە رابردوودا دۆسییەى کورد لەلایەن وڵاتانى عەرەبییەوە وەکو هەڕەشە تەماشا دەکرا و تاوەکو کێشەى کورد لە تورکیا و سووریا چارەسەر نەبێت، کێشەى دیموکراسى لەو دوو وڵاتە چارەسەر نابێت.

جێگری سەرۆکوەزیرانی هەرێمی کوردستان وتیشی، "کورد لە عێراق تەواوى مافە دەستوورى و یاساییەکانى بەدەستنەهێناوە و دۆسییەى کورد تەنیا دابینکردنى مووچە نییە لەلایەن عێراقەوە و دەبێت هەموو مانگێک هاونیشتمانییانى هەرێمى کوردستان چاوەڕوانى ناردنى مووچە بن لەلایەن بەغدادەوە".

جێگری سەرۆک وەزیرانی هەرێمی کوردستان ڕاشیگەیاند، دەبێت کێشەکان لەگەڵ بەغدا بە گفتوگۆ چارەسەر بکەین و بە هەوڵی یەکێتیش نزیکین لە چارەسەرکردنیان.

ئاماژەی بەوەشکرد، دواى ساڵى 2003 کورد رۆڵى سەرەکیى لە پێکهێنانى حکومەتى نوێى عێراق هەبوو و عێراق حکومەتێکى ناوەندی نییە و فیدراڵییە و ئێمەش بەشێکین لەو فیدراڵییە.