کوردستان

پۆلیسی سلێمانی قسەکانی میدیاى فەرمیی جوڵانەوەى نەوەى نوێی بەدرۆ خستەوە

نها نیوز – هەواڵەکان

دوای ئەوەی میدیای فەرمی جوڵانەوەى نەوەى نوێ بانگەشەی ناراستیان لە سەر دۆخی تەندرووستی شاسوار بڵاو کردەوە، سەرچاوەیەک لە پۆلیسى سلێمانى، رەتیکردەوە، تەندروستیى شاسوارعەبدولواحید تێکچوو بێت، وەک ئەوەى وتەبێژ و میدیاى فەرمیى بانگەشەى بۆ دەکەن.

ئەمڕۆ شەممە23 ی ئابی 2025 هیمداد شاهین، وتەبێژی نەوەی نوێ رایگەیاند، رەوشی تەندروستیی شاسوار عەبدولواحید لە زیندان تێكچووە و تەندروستیی زۆر ناجێگیرە و لە میدیاى فەرمى جوڵانەوەکە بڵاوکرایەوە، بەڵام سەرچاوەیەک لە پۆلیسی سلێمانی رەتی کردەوە تەندرووستی شاسوار تێکچووبێت و راگەیاند، هەواڵی تێكچوونی دۆخی تەندروستیی شاسوار عەبدولواحید دوورە لە راستییەوە.

12ی ئابی 2025، سەرۆکی جوڵانەوەی نەوەی نوێ، بە فەرمانی دادوەر لەلایەن هێزێکی پۆلیسی سلێمانییەوە بە تۆمەتی هەڕەشەى لە پەرلەمانتارێکى پێشوو دەستگیرکرا و رۆژی 21ـی مانگ برایە بەردەوام دادوەر پاش وەرگرتنی وتەکانی، دادگاییکردنەکەی بۆ 28ی مانگ دواخرا و لە گرتن و گواستنەوەى سلێمانى دەستبەسەرە.

شاسوار عەبدولواحید، ژمارەیەک دۆسییەى دیکەى لەسەرە و فەرمانى دەستگیرکردنى بۆ دەرکراوە و پێویستە سەرجەم ئەو دۆسیێیانەى لەسەر ناوبراون، ساغبکرێنەوە پاش ئەوە بڕیار لەسەر چارەنووسى بدرێت.

 
2025-08-23
زیاتر...
Copyright © All rights reserved.