ئەندامێکی ئەنجومەنی نوێنەرانی عێراق دوو بژاردە دەخاتە بەردەم هەرێم
نها نیوز - هەواڵەکان
دوو لیستی مووچەی مانگی 6 و 7 لای وه‌زاره‌تی دارایی عیراقه‌و تائێستا واده‌ی ناردنی مووچه‌ی هیچ مانگێكیان دیار نییه وحكومه‌تی کاربەرێکەری هەرێمیش ئامادە نییە پێش پێدانی گەرەنتی بڕی 120 ملیار دیناری دیكه وه‌ك داهاتی نانه‌وتی هه‌رێم ره‌وانه‌ی به‌غدا بكات. ئەندامێکی ئەنجومەنی نوێنەرانی عێراق، دوو بژاردەی بەردەم هەرێم لەم دۆخەدا ئاشکرا دەکات و دەڵێت " یان دەبێ خۆی مووچە بدات یان پابەندی رێکەوتن بێت.
دارا سێکانیانی، ئەندامی ئەنجومەنی نوێنەرانی عێراق، رایگەیاند، حکومەتی هەرێم لەبەردەم دوو بژاردەدایە یان بە داهاتی ناوخۆ (نەوتی و نانەوتی) مووچەی مووچەخۆران دابەشبکات، یان پابەندی رێککەوتن بێت لەگەڵ حکومەتی عێراق.
وتیشی، “ئەزموونێکی تاڵمان لەگەڵ لێدوان و رێککەوتنەکان هەیە”.
دوای نزیكەی 90 رۆژ، وەزارەتی دارایی و ئابوری حكومەتی هەرێمی كوردستان، رۆژی 25ی 7ی 2025 دابەشكردنی مووچەی مانگی ئایاری دەستپێكرد و رۆژی 27 ی تەمووز 2025 كۆتایی بەدابەشكردنی مووچە هات.
|