كۆبوونەوەیەكی گرنگ لەبارەی مووچەوە ئەنجامدەدرێت و دوا بڕیار دەدرێت

نها نیوز – هەواڵەکان

نهانیوز نوێترین زانیاری لەبارەی کۆبوونەوەی سەرۆک فراکسیۆنەکان و وەزیرە کوردەکانی هەرێم لە بە‌غدا ئاشکرا دەکات.

سەرچاوەیەکی ئاگادار لە بەغدا رایگەیاند، ئەمشەو لە بەغداد كۆبوونەوەیەكی گرنگ بە ئامادەبوونی وەزیرە كوردەكان و سەرۆكی فراكسیۆنە كوردییەكانی نێو ئەنجومەنی نوێنەرانی عێراق لەبارەی مووچەوە ئەنجامدەدرێت و دوا بڕیار دەدرێت .

ئەو سەرچاوەیە راشیگەیاند، كۆبوونەوەكەدا بەئامادەبوونی هەریەك لە خالید شوانی، وەزیری دادی عێراق، فواد حسێن وەزیری دەرەوەی عێراق، بەنگین رێكانی، وەزیری ئاوەدانكردنەوە و شاخەوان عەبدوڵا جێگری سەرۆكی ئەنجومەنی نوێنەرانی عێراق و فراكسیۆنە كوردییەكانی نێو ئەنجومەنی نوێنەرانی عێراق بەڕێوەدەچێت.

هەروەها ئاماژە بۆ ئەوەش كراوە، كۆبوونەوەكە بۆ چارەسەركردنی كێشەی مووچەی مووچەخۆرانی هەرێمە كە پێشتر لیژنەیەكی وزاری پێكهێندراوە و سبەی دادگای فیدراڵیی عێراقیش بۆ هەمان مەبەست كۆدەبێتەوە.