پەرلەمانتارێک بەدیلەکانی هەرێم بۆ چارەسەرکردنی کێشەی مووچە بۆ نها ئاشکرا دەکات
نهنایوز-هەواڵەکان
ئەندامێکی پەرلەمانی عێراق بەدیلی هەرێمی کوردستان بۆ چارەسەری کێشەکانی نێوان هەرێم و بەغدا بۆ نهانیوز ئاشکرا دەکات ودەڵێت" لە ئێستادا بۆ گفتوگۆ لە بەغداین و دبێت یەک هەڵوێست و پشوو درێژ بین".
گفتوگۆكانی نێوان شاندی هەرێمی كوردستان و حكومەتی عێراق سەبارەت بە پرسی نەوت و مووچە و بودجە نەگەیشتە ئەنجام، ماوەی (70) ڕۆژە موچەخۆران مووچەیان وەرنەگرتووە ولەمبارەوە غەریب ئەحمەد ئەندامی پەرلەمانی عێراق لە فڕاکسیۆنی یەکێتی بە ( نهانیوز)ی ڕایگەیاند" ئەمڕۆ شەممە دانیشتنی ئەنجوومەنی نوێنەرانی عێراق ئەنجام دەدرێت و زۆرینەی فراکسیۆنە کوردییەکان بەشداریی دانیشتنەکە دەکەن و لەناو کۆبوونەوەکە باسی مووچەی مووچەخۆرانی هەرێمی کوردستان دەکەین".
سەبارەت بە چارەسەرکردنی کێشەکانی نێوانی هەرێم و بەغدا و ئەو پەرلەمانتارە ئاشکرای کرد کە تەنیا بەدیلی هەرێم " گفتۆگۆیە" و بە "هەڕەشە" کێشەکان چارەسەر نابن.
وتیشی" دەبێت لەپێناو تێپەڕاندنی ئەم دۆخە و گەیشتن بەچارەسەری بنەڕەتی كێشەكانی هەرێم و بەغدا بەتایبەت كێشەی مووچە یەك هەڵوێست و پشوو درێژبین ".
|