شەپۆلێکی خۆڵبارین روودەکاتە هەرێمی کوردستان
نهانیوز-هەواڵەکان
شەپۆلێکی خۆڵبارینی مام ناوەند بۆ چڕ ڕوودەکاتە ناوچەکانی هەرێم، و شارەزایەکی کەشناسی دەڵێت”لەمڕۆوە شەپۆلەکە دەگات”.
شاڵاو هیدایەت، شارەزای کەشناسی، ڕاگەیاند، بەهۆی زیاد بوونی خێرایی بای باکوری خۆرئاواوە لەئاڕاستەی خۆرئاواوە بۆ سەروی تا 20 کم لەسەعاتێکدا ، لەمرۆو ڕۆژانی داهاتوو شەپۆلێکی خۆڵبارینی مام ناوەند بۆ چڕ ناوچە جیاوازه کانی هەرێم دەگرێتەوە.
ئاماژەی بەوەشدا، سەرچاوەی ئەم خۆڵبارینە ناوچە بیابانەکانی نێوان عێراق و سووریایە.
بەپێی پێشبینییەکانی ئەو کەشناسە، ئەم شەپۆلە خۆڵبارینە تا ڕۆژی شەممە بەردەوامە و لەدرەنگانی شەمە بەولاوە بەتایبەتی بەهۆی هەڵکردنەوەی بای باکوری خۆرهەڵات و بای بەهێز کاریگاریه کانی بەرەو کۆتایی دەروات، چونکە ئەم بایە ڕێگری دەکات لەهاتنی و چالاکی با لەخۆرئاواوە پەک دەخات.
شاڵاو هیدایەت ڕاشیگەیاند” بەهۆی ئەم شەپۆلەوە پلە کانی گەرما بەشێوازی بەرچاو داده بەزن بەڕێژەی 4 تا 5 پلەی سیلیزی ”
ئەو شارەزای کەشناسییە ڕێنمایی هاووڵاتیان دەکات لە کاتی خۆڵباریندا و دەڵێت:
– پێویستە دەرگاو پەنجەرەکان داخەن لەماڵەوەو شوێنە گشتیه کان ،
– ئەوانەی کێشەی کۆئەندامی هەناسەو هەستیاری”حەساسیەت” و نەخۆشی لوت و چاویان هەیە پێویستە بۆ کاری پێویست نەبێت نەیەنە دەرەوە کەهاتنە دەرەوەش دەمامک ببەستن ،
– پێویستە ئەوانەی ئۆتۆمبلیان هەیە یان مۆلیدەی کارەبایی دوای خۆڵبارین فڵتەرەکانیان خاوێن کەنەوە چونکە کاریگەری خراپی هەیه لەسەر مەکینەکانیان.
|